தென்காசி : தென்காசி மாவட்டம், தென்காசி காவல் நிலைய எல்லைக்குட்பட்ட புதிய பேருந்து நிலையத்தில் அடையாளம் தெரியாத சுமார் 65 வயது மதிக்கத்தக்க நபர் உடல்நலக்குறைவால் கடந்த 21/03/2022 அன்று இறந்துள்ளார்.
இதுகுறித்து தென்காசி கிராம நிர்வாக அலுவலர் திரு. செந்தூர்பாண்டியன் காவல் நிலையத்தில் கொடுத்த புகாரின் பேரில் சம்பவ இடத்திற்கு வந்த காவல்துறையினர் வழக்கு பதிவு செய்து அடையாளம் தெரியாத பிரேதத்தை தென்காசி அரசு மருத்துவமனைக்கு அனுப்பி வைத்தனர். மேலும் கேட்பாரின்றி இறந்து கிடந்த நபர் சுமார் 65 வயதுடனும், வெள்ளை நிற சட்டை, காப்பி நிற கட்டம் போட்ட சாரம், முதுகின் மத்தியில் கருப்பு மச்சம், நெற்றியின் இடது புறம் பழைய தீக்காய தழும்பு உள்ளது. இவர் குறித்து தகவல் தெரிந்தால் தென்காசி காவல் நிலைய தொடர்பு எண் – 04633 222278, 9498101783 என்ற எண்ணை தொடர்பு கொள்ளவும்.
