கரூர்: கீழ்பென்னாத்தூர் அருகே பேருந்து படிக்கட்டில் பயணம் செய்த கல்லூரி மாணவர் கீழே விழுந்து பரிதபமாக உயிரிழந்தார்.திருவண்ணாமலை மாவட்டம் கீழ்பென்னாத்தூர் அருகில் உள்ள கருங்காலிகுப்பம் கிராமத்தைச் சேர்ந்தவர் அருள்மணி மகன் அசோக்குமார் (வயது 17). இவர், கீழ்பென்னாத்தூர் அருகில் உள்ள தனியார் பாலிடெக்னிக் கல்லூரியில் 2-ம் ஆண்டு டிப்ளமோ படித்து வந்தார்.
இந்த நிலையில் சம்பவத்தன்று நேற்று முன் தினம் மாலை கல்லூரி முடித்து விட்டு, தனியார் பேருந்தில் கரிக்கலாம்பாடிக்கு புறப்பட்டார்.
அப்போது பேருந்தின் முன் பகுதியில் நின்று கொண்டிருந்த அசோக்குமார் நிலை தடுமாறி கீழே விழுந்ததில்,பேருந்தின் பின் பக்க சக்கரத்தில் சிக்கி அசோக்குமார் சம்பவ இடத்திலேயே பரிதாபமாக உயிரிழந்தார். இந்த விபத்து குறித்து கீழ்பென்னாத்தூர் காவல் ஆய்வாளர் கோவிந்தசாமி வழக்குபதிவு செய்து விசாரணை நடத்தி வருகின்றனர்.
