சென்னை : சென்னை, கொளத்தூர், எம்.ஜி.ஆர்.நகர் ஏரிக்கரை, கங்கையம்மன் கோயில் தெருவில், நாகராஜன், (60), என்பவர் கடந்த 03.5.2022 , அன்று இரவு சுமார் 10.00 மணியளவில் வீட்டின் வெளியே ,நிறுத்தியிருந்த இருசக்கர வாகனத்தில் மருந்து வாங்க கடைக்கு செல்வதற்காக, வெளியே வந்தபோது, அவரது இருசக்கர, வாகனத்தில் 3 நபர்கள் அமர்ந்து கொண்டு பேசிக் கொண்டிருந்தனர். அப்பொழுது நாகராஜன், அந்த நபர்களிடம் இருசக்கர வாகனத்தை எடுக்க வேண்டும். எழுந்திருங்கள் எனக் கூறியபோது, 3 நபர்களும், நாகராஜனை தகாத வார்த்தைகளால் பேசி, அவரை கையால் தாக்கி, இடுப்பில் மறைத்து வைத்திருந்த கத்தியைக் காட்டி மரட்டி, நாகராஜன் வைத்திருந்த பணத்தை பறித்துக் கொண்டு, தப்பிச் சென்றனர்.
இது குறித்து, நாகராஜன் ராஜமங்கலம், காவல் நிலையத்தில் புகார் கொடுத்ததின்பேரில், வழக்குப் பதிவு செய்து விசாரணை மேற்கொள்ளப்பட்டது. ராஜமங்கலம் காவல் நிலைய ஆய்வாளர், தலைமையிலான காவல் குழுவினர் சம்பவ இடத்தில், தீவிர விசாரணை செய்து, மேற்படி குற்ற சம்பவத்தில் ஈடுபட்ட , ஜீவா, (21), கொளத்தூர், நரேஷ், (19), கொளத்தூர், ரவிச்சந்திரன், (19), கொளத்தூர், ஆகிய 3 நபர்களை கைது செய்தனர். அவர்களிடமிருந்து 1 கத்தி பறிமுதல் செய்யப்பட்டது. மேற்படி எதிரிகள் மீது, நீதிமன்ற நடவடிக்கை மேற்கொள்ளப்பட்டு வருகிறது.
