ஈரோடு : ஈரோடு கோபி அருகே உள்ள கொடிவேரி அணை பிரிவு வளைவு பகுதியில், கடத்தூர் காவல் உதவி ஆய்வாளர் திரு. மோகனன், மதுவிலக்கு காவல் உதவி ஆய்வாளர் திரு. பன்னீர்செல்வம், மற்றும் காவல் துறையினர், வாகன சோதனையில், ஈடுபட்டனர். அப்போது அந்த வழியாக மோட்டார்சைக்கிளில், சந்தேகப்படும் வகையில், வந்த ஒருவரை தடுத்து நிறுத்தி சோதனையிட்டனர்.
அப்போது அவரிடம் கஞ்சா இருந்ததை கண்டுபிடித்தனர். இதையடுத்து அவரை பிடித்து விசாரணை நடத்தினர். விசாரணையில், ‘அவர் கோபி அருகே உள்ள ஒட்டர்பாளையத்தை சேர்ந்த மோகன்குமார் (22), என்பதும், அவர் விற்பனை செய்வதற்காக கஞ்சாவை கொண்டு சென்றதும்,’ தெரியவந்தது. இதைத்தொடர்ந்து மோகன்குமாரை கடத்தூர் காவல் துறையினர், கைது செய்ததுடன், அவரிடம் இருந்து 100 கிராம் கஞ்சாவையும் பறிமுதல் செய்தனர்.
ஈரோட்டில் இருந்து நமது குடியுரிமை நிருபர்கள் :
