சென்னை : சென்னையில் கஞ்சா, குட்கா உள்ளிட்ட போதை பொருள் கடத்தல் மற்றும் விற்பனையில் ஈடுபடுவோரை, காவல் துறையினர், கைது செய்து வருகின்றனர். அந்த வகையில், இம்மாதம், 6ல் இருந்து 9 வரை, பல்வேறு இடங்களில் அதிரடி சோதனை நடத்தி, கஞ்சா கடத்தல் மற்றும் விற்பனையில், ஈடுபட்டது தொடர்பாக, 23 வழக்குகள் பதிவு செய்தனர். அது தொடர்பாக, 34 பேர் கைது செய்யப்பட்டுள்ளனர். இவர்களிடம் இருந்து, 14 கிலோ கஞ்சா பறிமுதல் செய்யப்பட்டுள்ளது.
