புதுக்கோட்டை : புதுக்கோட்டை மாவட்டம், ஆவுடையார்கோவிலை சேர்ந்த, ராமச்சந்திரன், (45), கோபி அருகே கரட்டூர் டாஸ்மாக் கடை, பாரில் சப்ளையராக பணிபுரிகிறார். நேற்று முன்தினம் மாலை கோபியை, சேர்ந்த கவுதம், (22) பாருக்கு சென்றார். புதுக்கோட்டையை சேர்ந்த பழனிசாமி, (38), என்ற சப்ளையர், கவுதமுக்கு பீர் சப்ளை செய்தார். மற்றொரு சப்ளையரான, ராமச்சந்திரனிடம், தகாத வார்த்தை பேசி, இன்னொரு பீர் கொண்டு வா என கவுதம் கூறினார்.
இதை கண்டித்த ராமச்சந்திரனை, பெரிய ரவுடி எனக்கூறி, பீர் பாட்டிலை உடைத்து, கவுதம் குத்தியுள்ளார். அதை தடுத்த பழனிசாமியையும், பீர் பாட்டிலால் கவுதம் தாக்கியுள்ளார். தடுக்க சென்ற மற்றவர்களுக்கு கொலை மிரட்டல் விடுத்து, கவுதம் தப்பி ஓடினார். ராமச்சந்திரன் மற்றும் பழனிசாமி, கோபி அரசு மருத்துவமனையில் அனுமதிக்கப்பட்டுள்ளனர். ராமச்சந்திரன் புகாரின்படி, கோபி காவல் துறையினர் கவுதமை நேற்று கைது செய்தனர்.
