சென்னை: ஏழுகிணறு பகுதியில் வயதான பெண்மணியிடம் தங்கச்சங்கிலி பறித்துச் சென்ற முகமது பைசல் என்பவர், ஏழுகிணறு காவல் குழுவினரால் கைது. 1 ¼ சவரன் தங்கச்சங்கிலி மற்றும் இருசக்கர வாகனம் பறிமுதல். Seven Wells Police arrested Mohamed Faisal for snatching a gold chain from senior citizen. 1 ¼ sovereign gold chain and two wheeler were recovered. சென்னை, கொண்டித்தோப்பு பகுதியில் வசித்து வரும் ரத்னாதேவி (வ/59) என்பவர் கடந்த 17.03.2022 அன்று மதியம் ஏழுகிணறு, படவட்டம்மன் கோயில், பெத்து நாயக்கன் தெரு சந்திப்பில் நடந்து சென்று கொண்டிருந்தபோது, அங்கு இருசக்கர வாகனத்தில் வந்த ஒரு நபர் மேற்படி ரத்னாதேவியின் கழுத்தில் அணிந்திருந்த 1 ¼ சவரன் தங்கச் சங்கிலியை பறித்துக் கொண்டு இருசக்கர வாகனத்தில் தப்பிச் சென்றார். இது குறித்து ரத்னாதேவி ஏழுகிணறு காவல் நிலையத்தில் புகார் கொடுத்ததின்பேரில், வழக்குப் பதிவு செய்து விசாரணை மேற்கொள்ளப்பட்டது.
ஏழுகிணறு காவல் நிலைய குற்றப்பிரிவு ஆய்வாளர் தலைமையிலான காவல் குழுவினர் சம்பவ இடத்திற்கு சென்று விசாரணை செய்து, அப்பகுதியில் பொருத்தியிருந்த சிசிடிவி கேமரா பதிவுகளை ஆய்வு செய்து அதில் பதிவான எதிரியின் இருசக்கர வாகனத்தின் பதிவெண் மற்றும் அடையாளங்களை கொண்டு தீவிர விசாரணை செய்தும், மேற்படி புகார்தாரரின் தங்கச்சங்கிலியை பறித்துச் சென்ற முகமது பைசல் (வ/22) மண்ணடி என்பவரை கைது செய்தனர். அவரிடமிருந்து 1 ¼ சவரன் தங்கச் சங்கிலி மற்றும் 1 இருசக்கர வாகனம் பறிமுதல் செய்யப்பட்டது.
மேற்படி எதிரி மீது நீதிமன்ற நடவடிக்கை மேற்கொள்ளப்பட்டு வருகிறது.
