சென்னை : மதுரவாயல் காவல் துறையினர் , நேற்று முன்தினம் போரூர் சுங்கச்சாவடி பகுதியில், வாகன சோதனையில் ஈடுபட்டனர். அப்போது, ஆட்டோ ஒன்றை மடக்கினர். இதில், பெண் உட்பட மூவர் இருந்தனர். சோதனையில், 7 கிலோ கஞ்சா சிக்கியது. விசாரணையில், போரூரைச் சேர்ந்த பிரியங்கா, என்கிற பிரியா, (26), மதுரவாயல், ஸ்ரீலட்சுமி நகர், சித்தி விநாயகர் கோவில், தெருவைச் சேர்ந்த பாபு, (20), சோழன் நகர், இரண்டாவது தெருவைச் சேர்ந்த கார்த்திக், (29), என தெரிந்தது. மேலும், செங்குன்றத்தில் இருந்து வாங்கி, மதுரவாயல் உள்ளிட்ட பகுதிகளில், கஞ்சா விற்க இருந்தது தெரிய வந்தது. கஞ்சாவை பறிமுதல் செய்த, காவல் துறையினர் , மூவரையும் கைது செய்தனர்.
