திருச்சி : பாலக்கோடு, மாரண்டஹள்ளியை சேர்ந்த நாகராஜ்,(42), டிரைவர். கங்கசமுதிரம், மகேந்திரன், (34), என்பவருக்குச் சொந்தமான ஈச்சர் லாரியில், மார்க்கம்பட்டியில் முருங்கைகாய் லோடு, ஏற்ற சென்று கொண்டிருந்தார்.
அதே சாலையின் எதிர் திசையில் பள்ளபட்டி பகுதியை சேர்ந்த லத்தீப்,(21), அப்பாஸ்,(18), உஸ்மான்,(22), ஆகிய மூவரும் ஹீரோகரிஷ்மா, பைக்கில் பள்ளபட்டி நோக்கி வந்து கொண்டிருந்தனர்.
நேற்று காலை, 11:00 மணி அளவில் வேலம்பாடி பஞ்., இச்சிப்பட்டி பிரிவு பகுதியை நாகராஜ், ஓட்டி வந்த ஈச்சர் லாரி கடந்தபோது, எதிர் திசையில் வந்து கொண்டிருந்தவர்களின், பைக் கட்டுப்பாட்டை இழந்து, நிலை தடுமாறி எதிரே வந்த ஈச்சர் லாரியில் மோதி, விபத்துக்குள்ளானது. இச்சம்பவத்தில், பைக்கில் வந்த லத்தீப், சம்பவ இடத்திலேயே உயிரிழந்தார். விபத்தில் படுகாயமடைந்த அப்பாஸ், கரூர் தனியார் மருத்துவ மருத்துவமனையிலும், உஸ்மான், அரவக்குறிச்சி அரசு மருத்துவ மனையிலும் சிகிச்சைக்காக, அனுமதிக்கப்பட்டுள்ளனர். இவ்விபத்து தொடர்பாக அரவக்குறிச்சி காவல் துறையினர், விசாரனை நடத்தி வருகிறனர்.
